Фақат йиғламанг! Хабиб отасининг ўлимидан кейинги илк хабарини ёзиб қолдирди + ФОТО

Хабиб отаси Абдулманап Нурмагомедов билан тушган суратини Инстаграм саҳифасига жойлаб, унинг остида юракнинг тубигача етиб борадиган сўзлар ёзиб қолдирган.

"Роббимиз Ундан ўзгага ибодат қилмасликни ва ота-онага яхшилик қилишни буюрди. Агар ота-оналардан бири ёки иккаласи кексайиб қолган бўлса, уларга : "Ух!" - деманг, товушингизни баланд кўтариб гапирманг, аксинча ҳурмат билан мурожаат қилинг.

Уларнинг олдида камтарлик қанотини ёйиб, шундай денг: “Роббим! Уларга раҳмат-шавқат қил! Чунки улар мени болалигимдан улғайтиришди", - дея Қуръон оятларидан иқтибос келтирган Хабиб. 

"Ота, сизни соғинганмиз. Сиз ота, дўст, ака, мураббий эдингиз. Сиз менга ҳаётда керак бўладиган барча нарсани ўргатдингиз. Умид қиламанки, мендан мамнун эдингиз. Ахир, ота-онанинг кўнгли - бу Аллоҳнинг розилигидир", - дея қўшимча қилган чемпион. 

Эслатиб ўтамиз, Абдулманап Нурмагомедов 3 июль куни уч ой давом этган хасталикдан сўнг Москвадаги касалхоналарнинг бирида вафот этган эди.