20 июн 13:25
Янгиликлар

Теннис

Фарғона “Челленжер”. Султонов ўзидан 442 поғона юқорида турган рақиб билан учрашди

Фарғона шаҳрида теннис бўйича “Челленжер” туркумига кирувчи турнирнинг асосий тўр баҳслари давом этмоқда.

Ушбу мусобақанинг соврин жамғармаси 75 000 АҚШ долларини ташкил қилади. Асосий тўрга имтиёзли йўлланма асосида қўйилган ҳамюртимиз Ҳумоюн Султонов иккинчи давра учрашувини ўтказди. Унинг рақиби испаниялик Энрике Лопес-Перес бўлди.

Бир соату 33 дақиқа давом этган учрашувда Ҳумоюн рейтингда ўзидан 442 поғонада жойлашган кучли рақибга муносиб тарзда қаршилик кўрсатди. Биринчи сет 7:5 ҳисобида испан теннисчиси фойдасига ҳал бўлди. Иккинчи сет тай-брекка қадар чўзилди ва унда тажрибали Перес 7:6(7:3) ҳисобида зафар қучди.

Эслатиб ўтамиз, дунё рейтингида 629-ўринни эгаллаб турган Ҳумоюн илк босқичда рейтингда ўзидан анча юқорида турган яна испаниялик теннисчи Роберто Ортега-Олмедони 7:6(8:6), 6:3 ҳисобида мағлуб этган эди.