23 июн 11:56
Янгиликлар

Теннис

Фарғона “Фьючерс”. Юсупова ярим финал баҳсида кортга чиқди

Хабар берганимиздек, шу кунларда Фарғона шаҳридаги “Истиқлол” теннис кортларида “Фьючерс” туркумига кирувчи турнирнинг асосий тўр баҳслари давом этмоқда.

Мусобақанинг мукофот жамғармаси 25 000 АҚШ долларини ташкил қилади. Асосий тўрга саралаш баҳслари орқали етиб келган истеъдодли теннисчимиз Гўзал Юсупова ҳозиргина якунига етган ярим финал учрашувида кортга чиқди.

Унинг рақибаси россиялик теннисчи Анастасия Фролова бўлди. Учрашувда тажрибали Фролова 6:2, 7:5 ҳисобида ғалаба қозониб, финалга йўл олди. Шунга қарамай, WTA рейтингида ўз ўрнига эга бўлмаган 20 ёшли ҳамюртимиз ярим финалгача рейтингда ўзидан анча юқорида жойлашган рақибаларини енгишга муваффақ бўлди.