Фарғонадаги халқаро жанг санъатлари фестивалига катта тайёргарлик кўрилмоқда

Бугун Жисмоний тарбия ва спорт вазирлигида ушбу тадбирни ўтказиш бўйича ташкилий масалалар муҳокама қилинди. Ишчи гуруҳ мажлисини Жисмоний тарбия ва спорт вазирининг биринчи ўринбосари Ойбек Касимов олиб борди.

Фестивални юқори савияда ўтказиш юзасидан амалга ошириладиган ишлар тўғрисида Ўзбекистон “Ўзбек жанг санъати” федерацияси раиси Пўлат Усмонов ҳисобот берди.

Маълумот учун, Жаҳон жанг санъатлари Иттифоқи (WoMAU) томонидан 17-халқаро жанг санъатлари фестивалини Ўзбекистонда ўтказиш таклиф этилган.

Тегишли вазирлик ва идоралар билан келишилган ҳолда Вазирлар Маҳкамасининг “2018 йил 27-29 июль кунлари Фарғона вилояти, Фарғона шаҳридаги “Истиқлол” стадионида Халқаро жанг санъатлари фестивали ҳамда фестиваль доирасида Халқаро жанг санъати ассоциациясига аъзо давлатлар Бош Ассамблеясини юқори савияда ташкил этиш ва ўтказиш тўғрисида” 2018 йил 20 июль куни 583-ф-сон фармойиши қабул қилинди.

Мазкур фестивалда дунёнинг 30дан ортиқ давлатидан 200 нафарга яқин спортчилар, мураббийлар, ҳакамлар ва хорижий меҳмонлар иштирок этиши режалаштирилган.

Фарғонага 17-халқаро жанг санъатлари фестивалига марҳабо!