21 май 07:49
Янгиликлар
Теннис
Файзиев Иерусалим турниридаги баҳсни якунига етказа олмади
Исроилнинг Иерусалим шаҳрида теннис бўйича “Челленжер” туркумига кирувчи турнир давом этмоқда.
Соврин жамғармаси 54 160 АҚШ долларини ташкил қилувчи ушбу мусобақада икки ҳамюртимиз - Санжар Файзиев ва Сергей Фомин ҳам ўз имкониятини синовдан ўтказаётганди.
Афсуски, ҳар икки теннисчимиз ҳам яккаликнинг илк давра учрашувида мағлубият аламини тотиб кўришди ва мусобақани муддатидан анча илгари якунлашди.
Файзиев асосий тўрнинг илк босқичида финляндиялик Эмил Руусувуорига қарши кортга чиқди. Биринчи сетда 5:3 ҳисобида олдинга чиқиб олган Санжар якунда мағлубиятга учради - 5:7. Иккинчи сетда эса ҳамюртимиз жароҳати сабаб кортга чиқмади.
Таққослаш учун, Санжар Файзиев ATP рейтингида 433, Эмил Руусувуори 395-ўринни эгаллаб турибди.
Ҳавола :
Манба : olamsport.com
Фикрлар