27 янв 14:38
Янгиликлар
Теннис
FedCup. Теннисчиларимиз ҳам Хитойдаги мусобақага бормайдиган бўлишди
4-8 февраль кунлари Хитойда теннис бўйича аёллар ўртасида норасмий жаҳон чемпионати ҳисобланадиган FedCup турнири 1-гуруҳ Осиё/Океания минтақаси баҳслари ўтказилиши лозим эди.
Халқаро теннис федерацияси Хитойда тарқалган коронавирус сабаб мусобақа жойини ўзгартирди. Унга кўра, баҳслар Қозоғистоннинг Нур-Султон шаҳрида ўтказиладиган бўлди.
Эслатиб ўтамиз, ушбу босқичда Хитой, Хитой Тайпейи, Ҳиндистон, Индонезия, Корея Республикаси ва Ўзбекистон терма жамоалари иштирок этишади.
Мазкур босқичда биринчи ва иккинчи ўринни қўлга киритган терма жамоалар Жаҳон гуруҳи плей-офф босқичида иштирок этиш ҳуқуқини қўлга киритади. Бешинчи ва олтинчи ўриндаги жамоалар эса иккинчи минтақавий гуруҳга тушиб кетади.
Қайд этиш лозимки, хавфли вирус сабаб аввалроқ Хитойнинг Ухань шаҳрида ўтказиладиган бокс бўйича лицензион мусобақа Иорданиянинг Амман шаҳрига кўчирилганди.
Ҳавола :
Манба : olamsport.com
Фикрлар