UZ

Сўнгги янгиликлар

19:59Фазлиддин Рафиқов Жаҳон чемпионатини бронза билан якунлади 0 19:30Илия Топурия UFC'даги мотивацияси нима эканлигини айтди 0 18:22"Чемпионлик камарини қўлга киритишимга ишонаман". Прохазка Ульберг билан реванш ўтказишга умид қилмоқда 0 17:37"Октагон ташқарисида ҳам жанг қилишимиз мумкин". Двалишвили Нурмагомедов билан эҳтимолий реванш ҳақида гапирди 0 16:30ОЧЛ. "Ал-Иттиҳод"нинг малилик легионери "Пахтакор"га қарши ўйинни ўтказиб юборади 0 15:15Енгил атлетикачи Хушноза Шавкатова энди АҚШнинг Орегон университети жамоаси шарафини ҳимоя қилади 0 14:12Алжамейн Стерлинг Волкановски билан жанг қилиб, икки вазн тоифасида чемпион бўлмоқчи 0 13:00Самбочиларимиз ШҲТ Очиқ турнирини умумжамоа ҳисобида биринчи ўринда якунлашди 0 12:05Ўзбекистон мезбонлик қиладиган U-17 Осиё кубогининг барча иштирокчилари маълум бўлди 0 11:12Жошуа Тайсонни нокаутга учратишга ваъда берди 0 10:24Амирхон Алихўжаев кейинги жангини Хотамбек Бойназаровнинг собиқ рақибига қарши ўтказади 0 09:55Руслан Абдуллаев олтинчи ғалабасини олтинчи раундда қўлга киритди 0 09:33"Манчестер Юнайтед" Почеттинони таклиф қилиш учун қанча тўлагани маълум бўлди 0 08:35Миршоҳид Тиллабоев — WORLD BOXING вице-президенти! 0 07:22Дзюдо. Саъдулла Равшанов жаҳон чемпионатининг кумуш медалига эга чиқди 0

31 дек 07:23
Янгиликлар

Дзюдо

Федерацияда ҳудудий бўлимлар ва дзюдо клублари фаолияти таҳлил қилинди

Ўзбекистон дзюдо федерацияси раиси Азизжон Камилов иштирокида йиғилиш бўлиб ўтди.

Унда бир қатор муҳим масалалар муҳокама қилиниб, янги 2025 йилги дзюдо мавсуми режалари кўриб чиқилди. Йиғилишда федерация раиси ўринбосарлари Зафар Қаҳрамонов ва Атабек Исмаилов ҳам иштирок этди.  

Дастлаб раис ёрдамчиси Алишер Арзиқулов Қорақалпоғистон Республикаси, барча вилоятлар ва Тошкент шаҳрида фаолият юритаётган жами 14 та дзюдо спорт клубларининг 2023-2024 йиллардаги фаолияти ҳақида батафсил маълумот берди. 

Ўзбекистон дзюдо федерацияси ва ҳомий ташкилотлар ҳамкорлигида бунёд этилган енгил конструкцияга эга сендвич панелли дзюдо залларида фаолият юритаётган клублар томонидан 2023-2024 йилларда жами 55 та олтин, 67 та кумуш, 116 та бронза медали қўлга киритилган. 

Очилганига ҳали кўп бўлмаганини инобатга олсак, бу яхши натижа экани ойдинлашади. Бу борада энг кўп медаллар улуши пойтахтимизнинг Шайҳонтоҳур туманидаги 102-умумтаълим ҳудудидаги дзюдо клубига тегишли. Ушбу клуб дзюдочилари халқаро ареналарда 35 та олтин, 33 та кумуш, 54 та бронза медалига эга чиқишди. Бу йўналишда Жиззах, Наманган, Сирдарё, Фарғона вилоятлари ҳамда Қорақалпоғистон Республикасида кўрсаткичлар яхши эмас. 

Ушбу клублар турли ёш тоифасида ўтказиб келинаётган Ўзбекистон чемпионатлари ва Кубок баҳсларида ҳам шоҳсупага кўтарилшни бошлади. Яъни, 3-4 йил аввал экилган ниҳол мевага кирди. 2023-2024 йилларда жами 25 та олтин, 28 та кумуш, 36 та бронза медали қўлга киритилган. Бухоро ва Жиззах вилоятларидаги дзюдо клубларида ишлар ҳозирча яхши эмас. 

Шундан сўнг Федерациянинг ҳудудлар билан ишлаш бўлими бошлиғи Бахтиёр Юлдашев икки йил давомида вилоятлар кесимида олиб борилган ишлар, ютуқ ва камчиликлар ҳақида маълумот берди. Бу йил кичик ёш тоифасидаги мамлакат биринчилиги Фарғонада, кадетларники Қаршида, ёшларнинг республика чемпионати Термизда, катталар ўртасидаги Ўзбекистон чемпионати эса Жиззах шаҳрида ташкил этилди. 

2024 йил ҳисобидан Ўзбекистон чемпионатлари ва Кубоклари ҳамда халқаро мусобақаларда энг кўп медал улуши Хоразм вилоятига тегишли. Хоразмлик дзюдочилар жами 168 та медал қўлга киритишди. Хоразмдан Париж-2024 Олимпиадаси совриндори (Алишер Юсупов) чиқди. Аксинча, энг кам медал Андижон вилоятига тегишли бўлди - 11 та. 

Азизжон Камилов оқсаётган вилоятларда ишларни тўғри йўлга қўйиш, мураббийлар малакасини ошириш бўйича топшириқ берди. Шунингдек, йиғилиш давомида 2025 йилги режалар ҳам муҳокама қилиб олинди. Бу бўйича ҳам тегишли кўрсатма ва тавсиялар берилди.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг