16 окт 07:05
Янгиликлар

Теннис

Федерер фаолиятидаги 94, мавсумдаги 6, “Мастерс”даги 27-совринини қўлга киритди

Дунёнинг иккинчи ракеткаси Рожер Федерер кеча Шанхайда якунланган “Мастерс” сериясига кирувчи турнирда бош мукофотни қўлга киритган эди.

Швейцариялик теннис юлдузи финал учрашувида дунёнинг биринчи ракеткаси испаниялик Рафаэль Надални 6:4, 6:3 ҳисобида мағлуб этганди. Бу Федерер учун фаолиятидаги 94-соврин бўлди. Жорий мавсумда Рожер 6 та турнирда бош мукофотга эга чиқди.

“Катта Дубулға” туркумига кирувчи мусобақаларнинг 19 карра ғолиби қўлга киритилган титуллар бўйича афсонавий Иван Лендлга тенглашиб олди. У бу борада фақат Жимми Коннорсга ён бермоқда. Коннорс ҳисобида 109 та соврин бор.