31 мар 23:24
Янгиликлар

Теннис

Федерер Майами "Мастерс" ғолибига айланди

Ҳозиргина АҚШнинг Майами шаҳрида теннис бўйича "Мастерс" сериясига кирувчи нуфузли турнир якунланди.

Ҳал қилувчи финал учрашувида дунёнинг бешинчи ракеткаси Рожер Федерер ATP рейтингининг 9-поғонасидан жой олган америкалик Жон Иснерга қарши кортга чиқди. Бир соату 3 дақиқа давом этган финал баҳсида 37 ёшли Федерер 6:1, 6:4 ҳисобида ғалаба қозонди.

Бу Рожернинг "Мастерс" турнирларидаги роппа-роса 50-финали бўлди. Майамидаги муваффақиятли иштирок Федерерга 1000 рейтинг очкоси ҳамда 1 миллион 354 минг 10 АҚШ доллари миқдоридаги мукофот пулини келтирди.