Феликс Оже Базелни забт этди

Бош соврин дунёнинг тўққизинчи ракеткаси Феликс Ожега насиб этди. Канадалик теннисчи роппа-роса 100 дақиқа давом этган финал учрашувида рейтингнинг 25-поғонасидан жой олган даниялик Хольгер Рунени 6/3, 7/5 ҳисобида мағлубиятга учратди. 

Бу теннисчиларнинг ўзаро ўтказган илк учрашуви эди. Оже 11 та эйс, 3 та қўшхато ва 2 та брейк қайд этди. Базелдаги бир ҳафталик муваффақиятли иштирок Феликсга 500 рейтинг очкоси ҳамда 399,320 евро мукофот пули келтирган.