16 окт 11:08
Янгиликлар

Теннис

Феликс Оже Флоренцияда бош соврин учун кортга чиқади

Дунёнинг 13-ракеткаси Феликс Оже Италиянинг Флоренция шаҳрида ўтказилаётган ATP турнири финалига чиқди.

Канадалик теннисчи ярим финал учрашувида рейтингнинг 28-поғонасидан жой олган италиялик Лоренцо Музеттини 6/2, 6/3 ҳисобида мағлуб этди. Теннисчиларнинг ўзаро учрашувларидаги ҳисоб мувозанати тикланди - 2:2.

Бир соату 24 дақиқа давом этган баҳсда Оже 8, Музетти эса 3 та эйс зарбасини амалга оширган. Қўшхатолар сони ҳар иккала теннисчида ҳам биттани ташкил этган. Канадалик фаолиятида 11-маротаба ATP турнири финалига етиб келди. Унинг ҳисобида битта соврин бор. Финалда у америкалик Жефф Вольфга қарши кортга чиқади.