"Фергюсон - Нурмагомедов жанги ҳеч қачон ўтказилмайди"

Улар орасида бразилиялик UFC жангчиси Чарльз Оливейра ҳам бор. Унинг айтишича, Тони Фергюсон ва Хабиб Нурмагомедов ўртасидаги жанг ҳеч қачон ўтказилмайди. 

"Ўйлашимча, Тони Фергюсон ва Хабиб Нурмагомедов ўртасидаги жанг ҳеч қачон ўтказилмайди. Ҳар сафар нимадир бўлиб қолади, жангчилардан бири жароҳат олади. Бу сафар эса коронавирус жангнинг бекор бўлишини таъминлади. Тони Фергюсон ёш жиҳатдан Хабибдан катта бўлса-да, ҳозир жуда ажойиб спорт формасида. Кетма-кет рақибларини мағлуб этиб келяпти. Унинг ўзига хос жанг услуби бор. Жастин Гэтжини қийин жанг кутмоқда", - дейди Оливейра.

Эслатиб ўтамиз, Хабиб Нурмагомедов ва Тони Фергюсон ўртасидаги жанг 1 апрель куни бешинчи маротаба бекор қилинган эди. Энди 9 май куни Тони Фергюсон ва Жастин Гэтжи ўртасида жанг бўлиб ўтади. Жанг ғолиби эса Хабиб Нурмагомедов билан тўқнаш келади.