ФИФА Ғазодаги барча футбол иншоотларини тиклашга ёрдам беради

Душанба куни Инфантино Мисрда бўлиб ўтган саммитда қатнашди. Учрашув Ғазо секторида оловни тўхтатиш бўйича келишувни расман имзолашга бағишланган эди. 

«ФИФА учун бу ерда бўлиш жуда муҳим — қўллаб-қувватлаш, ёрдам бериш ва тинчлик жараёни муваффақиятли бўлишига ишонч ҳосил қилиш керак.

Футболнинг роли — қўллаб-қувватлаш, бирлаштириш ва умид бағишлашдан иборат. Биз Фаластин футбол ассоциацияси билан ҳамкорликда Ғазодаги барча футбол иншоотларини тиклаймиз, футболни қайта олиб келамиз ва болалар учун футбол орқали янги имкониятлар яратамиз», — деди Инфантино.