Фигурали учувчилар Екатерина Гейниш ҳамда Дмитрий Чигирёв Жаҳон чемпионатида иштирок этади

2026 йилги дунё биринчилиги ва қишки Олимпия ўйинлари учун ҳар бир миллий федерацияга квалификациялар белгилаб берадиган ушбу Жаҳон чемпионатида жуфтлик йўналишида Ўзбекистон терма жамоаси аъзолари Екатерина Гейниш ҳамда Дмитрий Чигирёв ҳам иштирок этади.

Ҳамюртларимизнинг чиқиши 26-27 март кунларига тўғри келади. Жуфтлик йўналишида Гейниш ва Чигирёвдан ташқари 16 та терма жамоанинг 22 жуфтлиги ғолиблик учун кураш олиб боради. Мазкур дастурдаги амалдаги чемпионлар Канада вакиллари — Дианна Стеллато-Дудек ҳамда Максим Дешам ҳисобланади.

Маълумот учун, Гейниш ва Чигирев 2025 йил ҳисобидан аввал қишки Осиё ўйинларида қатнашиб, олтин медалларга эга чиқишди, сўнгра "Тўрт қитъа кубоги"да саккизинчи натижани қайд этишди. Жаҳон чемпионати улар учун жорий йилдаги учинчи мусобақага айланади.