Фигурали учувчиларимиз Екатерина Гейниш ва Дмитрий Чигирёв фаолиятидаги илк Жаҳон чемпионатини кучли ўнликда якунлади ва илк уринишдаёқ 2026 йилги қишки Олимпиада йўлланмасини қўлга киритди

Боиси, бугун тонгда ўтказилган жуфтлик йўналишидаги эркин дастур беллашувларида Ўзбекистон терма жамоаси аъзолари Екатерина Гейниш ва Дмитрий Чигирёв 120.68 очко қўлга киритиб, мусобақани 183.01 балл билан 10-ўринда якунлади. Вакилларимиз қисқа дастурда 11, эркин дастурда эса 10-натижани қайд этишди.

Биз учун аҳамиятлиси, Гейниш ва Чигирёв жуфтлиги фаолиятидаги илк Жаҳон чемпионатидаёқ 2026 йилда Италиянинг Милан ва Кортина-Д'Ампеццо шаҳарларида ўтадиган XXV қишки Олимпия ўйинлари учун йўлланма қўлга киритди. Бу лицензия индивидуал эмаслиги туфайли мамлакат МОҚқа берилади.

Спортчиларимизнинг Бостонда қайд этган натижалари орқали сентябрь ойида Пекинда ўтадиган лицензион турнирда ҳам яна бир йўлланма учун кураш олиб бориш имкониятимиз мавжуд. Бундан ташқари, фигурали учиш бўйича 2026 йилги Жаҳон чемпионатидаги йўлланмаларимиз сони яна биттага кўпайтирилиб, иккитага етказилди.

Шундай қилиб, Гейниш ва Чигирёв учун жорий мавсум якунига етди.

Жаҳон чемпионатининг жуфтлик йўналишида якуний жадвал қуйидагича бўлди: