08 апр 11:17
Янгиликлар
Хоккей
Финал: Бугун "Ҳумо" "Номад"га қарши тўртинчи ўйинда музга чиқади
Тошкентнинг "Ҳумо" хоккей клуби бугун Қозоғистоннинг "Номад" жамоасига қарши финал доирасидаги тўртинчи ўйинини ўтказади.
Хоккей бўйича Тошкентнинг "Ҳумо" жамоаси бугун Қозоғистон Очиқ чемпионати финал босқичи доирасида "Номад"га қарши иккинчи сафар ўйинида музга чиқади.
"Қанотлилар"нинг бугунги учрашуви Тошкент вақти билан соат 16:00 да, Остона шаҳридаги "Барис Арена"да бошланади.
Кеча жамоамиз учинчи ўйин доирасида музга чиққан эди. 105 дақиқа давом этган учрашувда "Номад" жамоаси 1:2 ҳисобида ғалаба қозонган эди. Ушбу учрашув "Ҳумо" учун тарихдаги энг узоқ давом этган ўйин бўлди.
Жамоалар ўртасида ўтказилган учта учрашувдан сўнг сериядаги умумий ҳисоб 1:2, рақиблар фойдасига. Финал доирасидаги ўйинлар серияси тўрттадан еттитагача давом этиши мумкин.
"Ҳумо"нинг бугунги учрашуви YouTube платформасидаги InSportTV канали орқали трансляция қилинади.
Ҳавола :
Манба : olamsport.com
Фикрлар