Финалда ўзбек дербиси. Муҳсин кучлими ёки Асрор полвон?

Ўзбекистон Республикаси Президенти соврини учун Паҳлавон Маҳмуд хотирасига бағишлаб ўтказилаётган халқаро турнирида дунёнинг кўплаб давлатларидан сара курашчилар гиламга чиқяпти. Юртимиз шарафини Ризамат Солиев мураббийлигидаги терма жамоамиз курашчилари ҳимоя қилишмоқда. 

Бироз аввал 50 000 томошабинни ўз бағрига сиғдира олувчи "Zeinal-Khan Traditional Wrestling Arena"да ярим финал беллашувлари ўтказилиб, финалга йўл олган курашчилар маълум бўлди. Улар орасида 3 нафар ўзбекистонлик курашчилар ҳам бор. 

Алихон Нодиров 1/2 финалда тожикистонлик Ҳақназар Назаровни, Асрор Ҳамидов бир дақиқада яна бир тожик курашчиси Шарифжон Назировни, Муҳсин Ҳисомиддинов эса бир ярим дақиқада россиялик полвон Антон Брачовни мағлубиятга учратди. Финалда ўзига хос ўзбек дербисига гувоҳ бўламиз. Муҳсин полвон Асрор полвонга қарши!