12 июл 11:36
Янгиликлар

Бокс/ММА

Фирдавс Ҳасанов — Дана Уайтга: "Исталган вақтда, ҳар қандай жойда!"

Энг енгил вазн тоифасида ўзбекистонлик аралаш яккакураш устаси Фирдавс Ҳасанов (9-4) Twitter'даги саҳифасига янги пост жойлади.

Ҳасанов мазкур пости орқали яна бир бор UFC раҳбари Дана Уайт ҳамда матчмейкер Мик Мейнардга мурожаат қилган:

"Ҳар қандай вақтда, ҳар қандай жойда, шунчаки менга манзилни юборинг!", - деб ёзган ҳамюртимиз.

Фирдавс Ҳасанов ҳам ўрта вазн тоифасида ўзбекистонлик UFC жангчиси Нурсултон Рўзибоев каби Dominance MMA жамоаси аъзосига айланганига ишора қилмоқда. Ҳамюртимиз Нурсултон Рўзибоевнинг илк жангида унинг жамоасида бўлган эди.

Фирдавс Ҳасанов сўнгги жангини 24 июнь куни АҚШдаги ClipMMA турнирида Крис Жонсонга (8-15) қарши ўтказиб, ғалаба қозонган эди.