11 апр 12:26
Янгиликлар

Бокс/ММА

Флойд Мейвезер АҚШ солиқ хизматига 7,3 млн доллар қарз

Бешта вазнда собиқ жаҳон чемпиони, Шон-шараф зали аъзоси кичик Флойд Мейвезер АҚШ солиқ хизматига 7 миллион доллардан ортиқ қарздор, деб хабар бермоқда Business Insider.

Манба маълумотларига кўра, Мейвезернинг 2018-2023 йиллар оралиғида 7,3 миллион доллар қарзи тўпланиб қолган. Даъво аризаси жорий йилнинг март ойида Мейвезернинг кўчмас мулки бўлган Лас-Вегасда берилган.

Эслатиб ўтамиз, америкалик боксчи билан содир бўлган биринчи воқеа эмас. 2023 йилда у 5,5 миллион доллар солиқ қарзини тўлаган, унга 1,1 миллион доллар жарима қўшилган. 2015 йилда у солиқ идораси билан 22,2 миллион доллар миқдорида низолашган.