19 ноя 09:57
Янгиликлар

Бокс/ММА

Флойд Мейвезер: «Бу менга тегишли тўққизинчи осмонўпар бино». «Бойвачча» Америкадаги энг баланд бинони сотиб олмоқчи

Бокс бўйича собиқ жаҳон етакчиси Флойд Мейвезер тўққизта осмонўпар бинога, жумладан Америкадаги энг баланд тижорат биносига эгалик қилишини даъво қилмоқда.

Бу ҳақда Тhe Sun собиқ боксчининг WBC'нинг Мексикадаги конгресси иштирокчилари билан суҳбатига таяниб ёзади.

Ҳозирда «Money» лақабли 44 Флойд фаолияти давомида бокс ва кўчмас мулк инвестицияларидан тахминан 1 миллиард доллар ишлаб топган.

«Пул масаласи бўйича менда ҳаммаси ажойиб. Америкадаги энг баланд тижорат биноларидан бири менга тегишли. Агар имконингиз бўлса, Нью-Йоркка боринг ва текшириб кўринг. Бу менга тегишли тўққизинчи осмонўпар бино».

Маълум бўлишича, Мейвезер Манхеттеннинг Мидтаун шаҳридаги 93 қаватли осмонўпар бино - «One Vanderbilt»да улушга эга. Умумий қиймати 3,31 миллиард доллар бўлган бино уч йиллик қурилишдан сўнг 2020 йилда очилган.