Флойд Мейвезерга нисбатан 105 минг долларлик даъво аризаси киритилди

Боксчи ва унинг TBE Aviation компанияси хусусий авиация хизматлари учун тўлов мажбуриятларини бажармаганликда айбланмоқда. Даъво суммаси 105 минг доллардан ортиқни ташкил этади. Шунингдек, даъвогар кечиктирилган тўлов учун фоизлар ҳам талаб қилмоқда.

Даъво аризасида бир қатор айбловлар келтирилган бўлиб, улар орасида шартнома бузилиши, ноқонуний молиявий фойда олиш ва фирибгарлик каби ҳолатлар бор. Таъкидланишича, жавобгар хизматлардан фойдаланган, аммо тўловларни амалга оширмаган.

Jet Set Aircraft Inc. маълум қилишича, TBE Aviation сўровига биноан учувчилар хизмати, ёқилғи, техник хизмат кўрсатиш ва парвозларни мувофиқлаштириш каби авиация хизматлари тақдим этилган.

Шунингдек, даъво аризасида тўлов амалга оширилиши бўйича ваъдалар берилгани, аммо улар бажарилмагани қайд этилган.