Фомин 44 очко эвазига 69 поғонага юқорилади. Бу унинг ATP`даги энг юқори рейтинг ўрни!

Қувонарлиси, Шимкент "Челленжер" турниридаги чемпионлик сабаб мамлакатимизнинг биринчи ракеткаси Сергей Фомин яхшигина кўтарилишга эришди. У чемпионлик учун берилган 44 очко эвазига 69 поғонага юқорилаб, ҳафтани дунёнинг 290-ракеткаси сифатида бошлади. Бу унинг фаолиятидаги энг юқори ўрни ҳисобланади. Иккинчи ракеткамиз Никита Белозерцев икки ўринга пастлади, учинчи ракеткамиз Ҳумоюн Султонов эса 3 поғонага кўтарилди. 

Афсуски, Максим Шин 14, Амир Милушев эса 13, Дамир Абдусамадов 3 ўринга пастлади. Батир Сапаев 2, Илья Игнатов ва Абдулазиз Усмонжонов 3 ўринга юқорилади. 

Дунё теннисчиларининг Топ-10`талигида битта ўзгариш кузатилди. Россиялик Даниил Медведев ва италиялик Лоренцо Музетти ўзаро ўрин алмашиб олишди. Италиялик Янник Синнер Мадрид "Мастерс" турниридаги чемпионлиги эвазига 1000 очкога эга бўлди ва бунинг натижасида рейтинг пешқадамлигини мустаҳкамлаб олди. Кучли учликдан испаниялик Карлос Алькарас ва Мадрид "Мастерс" финалида Синнерга ютқазган германиялик Александр Зверев жой олган. 

ATP рейтинги. 4 май ҳолатига кўра Топ-10:

1 (1). Янник Синнер (Италия) — 14 350 (+1000).

2 (2). Карлос Алькарас (Испания) — 12 960.

3 (3). Александр Зверев (Германия) — 5805 (+550).

4 (4). Новак Жокович (Сербия) — 4700 (-10).

5 (5). Феликс Оже-Альяссим (Канада) — 4050 (-50).

6 (6). Бен Шелтон (АҚШ) — 4030 (-40).

7 (7). Тейлор Фриц (АҚШ) — 3770 (-100).

8 (8). Алекс де Минор (Австралия) — 3755 (-90).

9 (10). Даниил Медведев (Россия) — 3460 (-100).

10 (9). Лоренцо Музетти (Италия) — 3415 (-300).

Ўзбекистонлик теннисчиларнинг АТР рейтингидаги ўрни:

290 (359). Сергей Фомин — 183 (+44)

780 (778). Никита Белозерцев — 36  

802 (805). Ҳумоюн Султонов — 34 

982 (968). Максим Шин — 19 

1391Т (1378Т). Амир Милушев — 5

1865Т (1867Т). Батир Сапаев — 1   

1954Т (1957Т). Илья Игнатов — 1 

1954Т (1957Т). Абдулазиз Усмонжонов — 1

2059Т (2062Т). Дамир Абдусамадов — 1