01 май 10:40
Янгиликлар

Теннис

Фоминнинг юриши бошланди, Шин чемпионга муносиб қаршилик кўрсатди

Қозоғистоннинг Шимкент шаҳрида теннис бўйича ITF туркумидаги турнир бўлиб ўтмоқда.

М15 тоифасига кирувчи ушбу мусобақада икки теннисчимиз ҳам ўз омадини синаб кўряпти. Турнирда биринчи рақам остида таснифланган ҳамюртимиз Сергей Фомин 1 соату 51 дақиқа давом этган илк давра баҳсида россиялик 18 ёшли Егор Плешивцевни 6/2, 6/4 ҳисобида мағлуб этди.

Мусобақанинг асосий тўрига саралаш баҳслари орқали етиб келган Максим Шин эса франциялик тажрибали теннисчи Шон Кюнинга 3/6, 6/7(3) ҳисобида имкониятни бой бериб қўйди. Шон ўтган ҳафта Шимкентдаги турнир финалида Фоминни мағлуб этиб, мусобақа чемпионига айланганди.

ATP рейтингида 461-ўринни эгаллаб турган Сергей Фомин бугун 1/8 финалда ҳиндистонлик Кумаран Бҳаратга қарши кортга чиқади. Ҳинд теннисчиси рейтингнинг 1428-поғонасидан жой олган.