16 авг 10:27
Янгиликлар

Бокс/ММА

ФОТО Исроил ва Шаҳрам оқшомининг марказий жангида янги мутлақ жаҳон чемпиони!

Бундан бироз аввал АҚШда навбатдаги профессионал бокс кечаси ўз якунига етди.

Хабар берганимиздек, ушбу бокс кечаси доирасида мағлубият нималигини билмай келаётган чарм қўлқоп усталаримиз - Шаҳрам Ғиёсов ва Исроил Мадримов ўзларининг навбатдаги ғалабаларини тантана қилишди.

Оқшомнинг марказий жанги эса америкалик 35 ёшли Жессика Маккаскилл ҳамда ярим ўрта вазнда мутлақ жаҳон чемпиони, 38 яшар Сесилия Брекхус ўртасида кечди. Бу WBC, WBA Super, IBF, WBO ва IBO камарларини ўзида сақлаб турган Сесилия учун 25-ҳимоя жанги эди.

Ушбу жангдаги ғалаба Брекхусга рекорд серияни тақдим этар эди. Аммо Жессика бунга йўл қўймади. Маккаскилл ҳакамлар қарорига кўра буюк чемпионни 97-93, 97-94, 95-95 ҳисобларида мағлубиятга учратиб, ярим ўрта вазнда мутлақ жаҳон чемпионига айланди. Ҳакамлардан бири дуранг қайд этгани эътиборга молик.