Франция Тель-Авив "Катта Дубулға" турнирида биринчи бўлди (Фото+Жадвал)

Сайёрамизнинг 5 қитъаси 52 мамлакатидан жами 398 (224 эркак, 174 аёл) нафар дзюдочи мусобақа медаллари ҳамда Париж-2024 Олимпиадаси йўлидаги муҳим рейтинг очколари учун баҳс олиб борди. 

Уч кунлик беллашувлар якунига кўра Франция 3 та олтин, 1 та кумуш, 1 та бронза медали билан умумжамоа ҳисобида биринчи ўринни эгаллади. Канада терма жамоаси 2 та олтин, 1 та кумуш, 2 та бронза медали билан иккинчи ўринни банд этган бўлса, мезбонлар 2 та олтин, 1 тадан кумуш ва бронза медали билан кучли учликка якун ясашди.  

Тель-Авив "Катта Дубулға" турнирида иштирок этган ягона дзюдочимиз Гулноза Матниязова афсуски, илк даврадаёқ мўғулистонлик рақибасига имкониятни бой бериб қўйди. Энди дунё дзюдочилари 3-5 март кунлари Тошкент "Катта Дубулға" турнирида иштирок этиш учун пойтахтимизда жам бўладилар.