02 сен 12:50
Янгиликлар
Францияда Жаҳон чемпионати медаллари учун кураш давом этмоқда
Йилнинг ушбу нуфузли мусобақасида Ўзбекистон терма жамоаси ҳам тўлиқ таркибда иштирок этяпти. Бугун жаҳон чемпионатининг тўртинчи кунида аёллар кураши бўйича баҳслар давом эттирилади. Аниқроғи, 48, 55, 63 ҳамда 72 кг вазн тоифаларида ғолиб ва совриндорлар номи маълум бўлади.
Аёллар кураши терма жамоамиз аъзоларидан бугун уч нафари гиламга чиқади. 55 кг вазнда Шаҳодат Жуллибаева, 63 кг вазн тоифасида Холбозор Норбоева, 72 кг вазнда эса Лолахон Ўринбоева жаҳон чемпионати медаллари учун баҳсларга киришади.
Эслатиб ўтамиз, бизга ушбу жаҳон чемпионатидаги илк ва ҳозирча ягона бўлиб турган медални истеъдодли спортчимиз ўсмирлар ўртасидаги Нанкин Олимпиадаси ғолиби, Осиё чемпиони Илҳом Баҳромов келтирганди. У финалда россиялик рақибига имкониятни бой бериб, жаҳон вице-чемпионига айланганди.
Фикрлар