30 сен 12:04
Янгиликлар

Триатлон

Франциядан маҳаллийлаштирилган триатлончи Ўзбекистон учун иккинчи медалини тақдим этди

Икки кун давомида Қозоғистоннинг Туркистон шаҳрида триатлон бўйича Осиё кубоги босқичи ўтказилди.

Мусобақада иштирок этган Ўзбекистон терма жамоаси аъзолари 1 тадан олтин ва бронза медалларига сазовор бўлишди.

Олтин медални аёллар ўртасидаги баҳсларида Алина Ҳакимова қўлга киритди. Эркаклар ўртасидаги беллашувларда эса Жереми Куиндос марра чизиғини учинчи бўлиб кесиб ўтди.

Olamsport.com июль ойида триатлон бўйича кўплаб халқаро турнирлар ғолиб ва совриндори, Франция чемпионати кумуш медали соҳиби Жереми Куиндос Ўзбекистон терма жамоаси сафига ўтгани ҳақида хабар берган эди.

Маълумот учун, Жереми Куиндос 2011-2023 йиллар давомида Франция терма жамоаси аъзоси сифатида бир қанча мусобақаларда иштирок этиб, ғолиб ва совриндорлар сафидан жой олган.