09 фев 17:22
Янгиликлар

Шахмат

Freestyle Chess Grand Slam. 1/4 финалга чиққан Нодирбек ва Жавоҳир қанча гонорар ишлаб олди?

Германиянинг Вайссенхаус шаҳрида ўтказилаётган шахмат бўйича мукофот жамғармаси 750 000 АҚШ долларини ташкил этувчи нуфузли турнирда 1/4 финал учрашувлари бошланди.

Дунёнинг кўзга кўринган 10 гроссмейстеридан 8 нафари бош соврин учун курашни давом эттирмоқда. Чорак финалга чиқа олмаган Владимир Федосеев ва Левон Аронян ўзаро 9-ўрин соҳибини аниқлаб олиш учун ўзаро дона суришади. Бу жуфтликда ғолиб шахматчи 12 500 АҚШ долларига эга бўлади. Мағлуб томон эса мусобақани 7 500 доллар билан кифояланади.

Чорак финалга етиб келган гроссмейстерлар камида 20 000 долларни нақд қилиб улгуришди. Ярим финалга йўл олган иштирокчилар 60 000 долларни ўз ҳисоб рақамларига ёзиб қўйишади. Чемпион 200 000, вице-чемпион 140 000 долларга эга чиқади. Учинчи ўрин соҳиби 100 000 долларга бойиб олади. Бешинчи ўринга 50 000 доллар ажратиб қўйилган.