Freestyle Chess Grand Slam. Синдаров Накамурага қарши баҳсда ўта мушкул вазиятдан чиқиб кетди

Саралаш баҳсларини юқори нотада ўтказган Синдаров бу босқичда ўзи танлаган рақиб - америкалик Ҳикару Накамурага қарши оқ доналарда ўйнади. Жавоҳир кучли рақибига қарши баҳсда муқаррар мағлубиятни дурангга айлантирди. Бу ғалабага тенг дуранг бўлди. Шахматчиларнинг саралаш босқичидаги ўзаро учрашувида ҳам дуранг натижа қайд этилганди. 

Эртага гроссмейстерлар 1/4 финалнинг иккинчи партиясини ўтказишади. Бугун Магнус Карлсенга ютқазган Нодирбек Абдусатторов эртага қора доналарда ўйнайди. Синдаров ҳам қора доналарда Накамура билан ҳисоб-китоб қилади. Абдусатторовни фақат ғалаба, Синдаровни эса камида дуранг тай-брекка ўтказиши мумкин.