Фрэнсис Нганну: "Мен деярли уч йил Жон Жонс билан жанг қилишга ҳаракат қилдим"

"Мен деярли уч йил Жон Жонс билан жанг қилишга ҳаракат қилдим. Суҳбатлар Жаирзиньо Розенстрайк билан жангимдан сўнг бошланди. Кейин улар Стипе Миочич билан жанг қилишимни, сўнг ғолиб Жонсга қарши октагонга чиқишини ваъда беришди. Аммо, бу амалга ошмади. Бу жанг бўлиши учун қўлимдан келганини қилдим. Охир-оқибат UFC мени ушлаб қолиш учун, ўзим истамаган нарсани қилишга мажбурлаб, мендан фойдаланаётганини тушундим. Бу жанг бўлишини жуда хоҳлардим. Аммо, ҳар қандай гонорарга кўнган ҳолда эмас" - деди Нганну.

Шу билан бирга, Нганну Жонс билан жанги қандай якунланган бўлиши мумкинлиги ҳақидаги саволга тўғридан-тўғри жавоб беришдан қочди.

"Жангда ҳамма нарса содир бўлиши мумкин. Шунинг учун Жон Жонсни нокаут қиламан дея олмайман. Аммо, бу жанг ҳеч қачон бўлмагани учун биз ҳеч қачон буни билмаймиз. Энди ҳар ким ўзи учун жанг қандай тугашини айтиши мумкин. Жанг биз ўйлагандек бўлмаслиги мумкин. Жанг қандай бўлишини ҳеч қачон аниқ билмайсиз" - дея қўшимча қилди Нганну.

Бир ҳафта олдин Жон Жонс Сирил Ганни мағлуб этди ва вакант бўлиб турган оғир вазн UFC камарига эга чиқди.