20 окт 09:58
Янгиликлар

Бокс/ММА

Фрэнсис Нганну "қафас"га қайтди, унинг иштирокидаги жанг биринчи раундда тўхтатилди

Кеча тунда Саудия Арабистони пойтахти Ар-Риёд шаҳрида PFL промоушени томонидан катта ММА оқшоми ўтказилди.

PFL Super Fights: Battle of the Giants турнирининг асосий жанги собиқ UFC чемпиони камерунлик Фрэнсис Нганну ҳамда бразилиялик Ренан Феррейра ўртасида бўлиб ўтди. Нганну биринчи раунднинг ўрталарида рақибини нокаутга учратиб, оғир вазнда PFL суперчемпионига айланди.

Ниҳоят, Нганну узоқ танаффус - деярли уч йилдан сўнг ММАга қайтди. У шу йилнинг март ойида бокс қоидалари асосида ўтказилган жангда британиялик Энтони Жошуага нокаут билан ютқазиб қўйганди.