30 июн 07:28
Янгиликлар

Теннис

Фритц Истбурнда фаолиятидаги илк совринни қўлга киритди

Буюк Британиянинг Истбурн шаҳрида теннис бўйича ATP турнири якунланди.

Nature Valley International мусобақасида чемпионлик дунёнинг 42-ракеткаси Тэйлор Фритцга насиб этди. Америкалик теннисчи ҳал қилувчи финал учрашувида ватандоши Сэм Куэррига қарши кортга чиқди.

Роппа-роса 1 соат давом этган баҳсда Фритц рейтингнинг 79-поғонасидан жой олган юртдошини 6/3, 6/4 ҳисобида таслим этди. Тейлор фаолиятидаги илк ATP совринига айнан Истбурнда эришди. У 117 925 доллар мукофот пули ҳамда 250 рейтинг очкосига ҳам эга бўлди.