Фурқатбек Ёқубовнинг TUF 33 шоусидаги илк рақиби қозоғистонлик жангчи бўлади! (ВИДЕО)

Бугун тонгда лойиҳанинг тўртинчи сони эфирга узатилди. 

Бу сафар ярим ўрта вазн тоифасида Даниэль Кормьенинг жамоасидаги америкалик Жефф Крейтон Чейл Сонненнинг ирландиялик шогирди Андреас Биндерга қарши октагонга кўтарилди. Баҳсда Крейтон ғалаба қозонди. Ёдингизда бўлса, ушбу дивизиондаги илк ярим финалчи ҳам Кормьенинг жамоасидан бўлганди (Даниил Донченко).

Аҳамиятлиси, 25 июнь куни намойиш этиладиган бешинчи сонда ўзбекистонлик аралаш якка кураш устаси Фурқатбек Ёқубов Қозоғистон вакили Алиби Идрис билан жанг қилиши маълум бўлди. Баҳс чорак финал босқичи доирасида ўтказилади.

Маълумот учун, Ёқубовнинг дивизионида Кормьенинг жамоасидан америкалик Жозеф Моралес ҳамда ўз шерикларидан мексикалик Иманол Родригес ярим финал масаласини ҳал қилганди.