Футзал. Бугундан Олий лига 2-турга старт берилади

Мамлакатимизнинг энг кучли 18 жамоаси олти кун мобайнида водийлик футзал ишқибозлари диққатига шиддатли ўйинларни тақдим этишади. Турнинг дастлабки учрашувида беш карра мамлакат чемпиони – Олмалиқ шаҳрининг ОКМК жамоаси Термизнинг "Сурхон" жамоасини имтиҳондан ўтказади. Учрашув соат 15:00 да бошланади. 

Соат 17:00 да амалдаги чемпион БМБ ПФC Фарғонанинг “Нефтчи” клубига қарши саф тортади. Мазкур баҳсда ҳам мухлислар муросасиз ўйиннинг шоҳиди бўлишлари аниқ.

 Куннинг сўнгги учрашуви эса соат 19:00 да старт олади ва унда "Қизилқум" ҳамда "Локомотив" жамоалари ўртасидаги қизиқарли ўйинни томоша қиламиз. 2-турнинг барча учрашувларини Сиз ЎФФнинг You Tube канали орқали жонли тарзда кузатиб боришингиз мумкин. 

Шунингдек, "Спорт-ТВ" ижодий бирлашмаси "Футбол-ТВ" телеканали куннинг биринчи ўйинини тўғридан-тўғри, қолган иккита баҳсни эса ёзиб олинган ҳолда кўрсатишни режа қилган. Шу ўринда эслатиб ўтамиз, "Универсал" мажмуасига кириш мутлақо бепул.