24 окт 09:07
Янгиликлар

Бокс/ММА

Фёдор яна октагонга чиқадими? Емельяненко режалари билан ўртоқлашди

Россиялик ММА афсонаси Фёдор Емельяненко Москвада ўтган Bellator 269 турнирида америкалик Тимоти Жонсонни биринчи раунднинг ўзидаёқ нокаутга учратган эди.

Жангдан сўнг Емельяненко ўз режалари билан ўртоқлашди.

"Шартнома бўйича яна битта жанг ўтказишим керак. Бу ҳақида ташкилот президенти Скотт Кокер билан гаплашамиз. Менга ўз уйимда жанг ўтказиш қийинроқ. Чунки, эътибор ва ташқи босим жуда кучли бўлади. Лекин мен айнан сўнгги жангимни ватандошларим кўз ўнгида ўтказиб, кейин фаолиятимга нуқта қўймоқчиман. Яратганга шукур, бугун ҳаммаси биз ўйлагандек якун топди. Энг муҳими жароҳатсиз жангни якунладим", - деди Фёдор жангдан сўнг ўтказилган матбуот анжуманида.