Фьюри Альваресга қарши жанг олдидан Сондерсни қўллаб-қувватлади

Энг оғир вазн тоифасида WBC йўналиши чемпиони Тайсон Фьюри (30-0-1, 21 КО) WBO супер ўрта вазн тоифасидаги унвон эгаси Билли Жо Сондерс (30-0, 14 КО) WBA ва WBC чемпиони Сауль Алваресни (55-1-2, 37 КО) мағлуб этишига ишонади.

"Жисмоний жиҳатдан Билли Жо Сондерс 100 фоиз тайёр. У нима қилиш кераклигини билади ва буни амалга оширади. У чўққига кўтарилиб, ўзининг буюклигини эълон қилади.

Илгари мени кўп марта ҳисобдан чиқаришган, аммо мен буни уддалаганман. Мен ва Сондерс бир хил синовдан ўтганмиз.

Ҳа, Канело ҳамма билан курашган, аммо у ҳеч қачон жанговар лўлини учратмаган. Биз бутунлай бошқа ҳайвон зотимиз, биз Альвареснинг аввалги рақибларига ўхшамаймиз. Ишончим комилки, Сондерс бокс дунёсида ҳукмронлик қилади", - дея Фьюренинг сўзларини келтиради Boxing Scene.

Эслатиб ўтамиз, Алварес - Сондерс жанги 8 май куни АҚШда бўлиб ўтади. Аввалроқ WBC Алварес - Сондерс жанги учун махсус камарни тақдим этгани ҳақида хабар берилган эди.