09 окт 10:41
Янгиликлар

Бокс/ММА

Фьюри фаолиятини давом эттиради — Тайсоннинг промоутери

Профессионал бокснинг супероғир вазн тоифасида собиқ WBC, WBO, IBO, WBA Super, The Ring, IBF йўналишлари чемпиони Тайсон Фьюри рингга қайтади.

Бу ҳақда унинг промоутери Фрэнк Уоррен хабар берди. У мижозининг 2026 йилда рингга қайтиши ва навбатдаги жангини ўтказишни режалаштираётганини маълум қилди.

"Ўтган ҳафта у билан гаплашдим. Тайсон келаси йили қайтиб, жанг ўтказмоқчи эканини айтди. Ҳа, Тайсон ортга қайтмоқчи", - дея Уорреннинг сўзларини келтиради The Ring журнали.

Эслатиб ўтамиз, шу йил январь ойида "Лўлилар қироли" профессионал боксдаги фаолиятини якунлаганини маълум қилганди. Аммо ёз бошидаёқ Фьюри келаси йили яна қайтиб, Усик ёки Жошуага қарши жанг ўтказишдан манфаатдор эканини бир неча бор айтганди.