20 май 09:50
Янгиликлар
Бокс/ММА
Фьюри Жошуага: Тайсоннинг Арабистонига хуш келибсиз! “Лўлилар қироли”нинг шоуси давом этади
Оғир вазн тоифасида WBC чемпиони Тайсон Фьюри WBA Супер, WBO, IBF ва IBO йўналишлари бўйича жаҳон чемпиони Энтони Жошуага мурожаат қилди.
Дастлабки маълумотларга кўра, уларнинг жанги 14 август куни Саудия Арабистонида бўлиб ўтиши лозим эди.
“Энтони Жошуа, Тайсоннинг Арабистонига хуш келибсан! “Лўлилар қироли”нинг шоуси давом этади ", - деб ёзди Фьюри ўзининг Instagram саҳифасида.
Олдинроқ Тайсон Фьюри ва Энтони Жошуа иккита жанг ўтказишга келишиб олишганди: биринчи жанг бирлаштирувчи жанг ҳисобланади, иккинчисида эса мағлуб бўлган боксчи реванш жангига эга бўлади. Ҳозирда профессионал боксда Фьюри ҳисобида 30 ғалаба (21 нокаут) ва битта дуранг бор. Жошуада эса 23 ғалаба (21 та нокаут) ва битта мағлубият мавжуд.
Ушбу хабардан бироз ўтиб, Тайсон Фьюри постни ўчириб ташлади. Кейинроқ эса унинг Деонтей Уайлдерга қарши жанг қилиши лозимлиги ҳақида маълумотлар тарқалди.
Ҳавола :
Манба : championat.com
Фикрлар