Фьюри — Маҳмудов билан жанг ҳақида: у оғир аҳволда

Жанг 11 апрель куни Лондон шаҳридаги "Тоттенхем" стадионида бўлиб ўтади. Британиялик боксчи россиялик Арсланбек Маҳмудов билан бўлажак жанги ҳақида фикр билдирди. 

"Фақат шуни айтишим мумкинки, Маҳмудов оғир аҳволда. У мушкул вазиятда. У бақувват йигит, менда бўлгани каби бир-иккита мағлубият ва кўплаб нокаутлари бор - 20 га яқин. Биз тахминан тенгдошмиз, тана ўлчамларимиз, вазнимиз, рекордларимиз ўхшаш. Мен жаҳон чемпиони эдим, мен WBC чемпиони бўлганимда у рейтингда иккинчи ўринда эди. Ўшанда уни менга рақиб сифатида таклиф қилишганди. Энди ниҳоят учрашамиз. Шундай. Келинг, ажойиб жанг кўрсатайлик. Ким кучли бўлса, ўша ғалаба қозонсин", - дея Фьюрининг сўзларини келтиради Sky Sports.