Фьюри Маҳмудовдан оғирроқ тош босди (барча тарози натижалари)

Кеча тунда оқшом иштирокчилари расмий тарозидан ўтиш ва сўнгги face to face маросимида ҳозир бўлишди. Кечанинг асосий жанги супероғир вазн тоифасида собиқ жаҳон чемпиони, британиялик Тайсон Фьюри ҳамда германиялик Арсланбек Маҳмудов ўртасида ўтказилади. 

Ўн олти ойлик танаффусдан сўнг рингга қайтаётган "Лўлилар қироли" тарозида рақибидан оғирроқ тош босди. У охирги марта Александр Усик билан реванш жангига 127,46 кг кўрсаткич билан ўзининг рекорд вазнида рингга чиққанди. Аммо бу британияликка камарларни қайтаришга ёрдам бермаганди. Бу сафар Тайсон 121.52 кг, асли рус германиялик эса 120.16 кг натижа кўрсатди.

Оқшомнинг co-main event жанги иштирокчилари Конор Бенн ва Режис Прогрейс мос равишда 67.81 кг ва 67.18 кг вазн кўрсатиб, белгиланган меъёрни бажаришди.  

Барча тарози натижалари:

Тайсон Фьюри (121.52 кг) – Арсланбек Маҳмудов (120.16 кг)

Конор Бенн (67.81 кг) – Режис Прогрейс (67.18 кг)

Жейми Чикева (119.16 кг) – Ричард Риакпоре (106.19 кг)

Фрейзер Кларк (72.17 кг) – Жастис Хуни (111.65 кг)

Брейон Горэм (64.02 кг) – Эдуардо Коста (63.56 кг)

Майки Тэллон (51.31 кг) – Леандро Бланк (51.57 кг)

Павел Аугуст (77.43 кг) – Симон Захенхубер (76.93 кг)

Феликс Кэш (73.55 кг) – Лиам О’Хара (73.57 кг)

Султан Ал-Мохамед (59.03 кг) – Эктор Лозано (59.51 кг)

Эллиот Уэйл (67.72 кг) – Том Хилл (67.31 кг)