22 дек 08:46
Янгиликлар

Бокс/ММА

Фьюри ва Жошуа жанг шартлари бўйича келишиб олди

Супероғир вазн тоифасида британиялик боксчилар иштирокида бирлаштирувчи чемпионлик жанги ташкил этилади.

WBC йўналиши чемпиони Тайсон Фьюри WBA, IBF, WBO ва IBO камарлари соҳиби Энтони Жошуага қарши мутлақ жаҳон чемпионлиги учун рингга кўтарилади. Томонлар илк жанг юзасидан келишиб ҳам олишган. Бу ҳақида таниқли журналист Майк Коппинжер ўзининг Твиттер саҳифасида промоутер Эдди Хирннинг сўзларига таянган ҳолда хабар бермоқда.

"Эдди Хирннинг айтишича, Фьюри ва Жошуа жанг шартномаси юзасидан оғзаки келишувга эришишган. Режа бўйича илк жанг 2021 йилнинг май ёки июнь ойида ўтказилади. Хирн фақат жангнинг қаерда ўтказилиши ва бошқа майда деталларни ҳал қилиб олса бўлди", — деди журналист.

Эслатиб ўтамиз, аввалроқ Тайсон Фьюри ва Энтони Жошуанинг 2021 йилда ўзаро иккита жанг ўтказиш бўйича келишувга эришилгани ҳақида хабарлар берилганди.