Габриэль Росадо Бектемир билан жанг олдидан: "Ҳакамлар яна тақдиримни ҳал қилишларини истамайман"

"Бу ажойиб кураш. Келажакка даъвогар ёш йигитнинг даъвосини кутаман. Мен жангда тажриба ва маҳоратимга таянаман. Бу менга илҳом бағишлайди. Ёш жангчига қарши энг яхши боксимни намойиш этишим керак.

Албатта, мазкур баҳс жаҳон чемпионлиги учун курашга қайтишимга сўнгги имконият. Бу менинг мақсадим ва мен Бектемир ҳақида ортиқча гапириб ўтирмоқчи эмасман. Ажойиб ўқув-машғулот йиғинини ўтказдим, аслида матбуот анжуманларини ёқтирмайман, жангни интизорлик билан кутаман.

Аввалги жангимда ҳакамлар менга нисбатан адолатсизлик қилишди. Мен улар тақдиримни яна бир бор ҳал қилишларини хоҳламайман. Аммо бу мен Бекка қарши эҳтиётсизлик билан жанг қиламан дегани эмас, шунчаки, курашни ҳакамлар қарорига қолдиришни истамайман", - деди америкалик Росадо.