Гаэль Монфис "Мастерс" 1/4 финалига йўл олди

Дунёнинг 13-ракеткаси Гаэль Монфис мусобақанинг 1/8 финалида иродали ғалабага эришди. Франциялик теннисчи молдовалик Раду Алботга биринчи сетни 4/6 ҳисобида бой берганига қарамай якунда ғалабага эришди - 6/4, 6/1.

Учрашув 1 соату 47 дақиқа давом этган. Бу вақт оралиғида 33 ёшли Гаэль 12, рейтингнинг роппа-роса 50-поғонасидан жой олиб турган 29 яшар Раду эса битта эйс зарбасини амалга оширган. Бу теннисчиларнинг ўзаро илк учрашуви эди. Энди Монфис Rolex Paris Masters турнирининг чорак финалида канадалик Денис Шаповаловга қарши кортга чиқади.