10 фев 12:07
Янгиликлар

Теннис

Гаэль Монфис ўз ватанида тенгсиз бўлди

Франциянинг Монпелье шаҳрида теннис бўйича Open Sud de France турнири якунланди.

Мусобақада бош соврин дунёнинг тўққизинчи ракеткаси Гаэль Монфисга насиб этди. Франциялик теннисчи ҳал қилувчи финал учрашувида рейтингнинг 132-поғонасидан жой олиб турган канадалик Вашек Поспишилга қарши кортга чиқди.

Гаэль 1 соату 37 дақиқа давом этган баҳс якунида рақибини 7/5, 6/3 ҳисобида мағлуб этди. Монпельедаги муваффақиятли иштирок Монфисга 250 рейтинг очкоси ҳамда 91,010 евро мукофот пули келтирди.