16 фев 08:47
Янгиликлар

Теннис

Гаэль Монфис Роттердам финалида ўйнайди

Нидерландиянинг Роттердам шаҳрида ўтказилаётган нуфузли ATP турнири ўзининг ҳал қилувчи палласига кирди.

Кеча оқшом мусобақанинг финал иштирокчилари маълум бўлди. Дастлабки ярим финалда франциялик Гаэль Монфис сербиялик Филип Крайиновични 6/4, 7/6(5) ҳисобида мағлуб этди. Бир юз беш дақиқа давом этган баҳсда дунёнинг тўққизинчи ракеткаси 14та эйс зарбани амалга оширди.

Рейтингнинг 39-поғонасидан жой олган 27 ёшли Крайинович эса ўзаро учрашувларда 0:3 ҳисобида ортда бормоқда. Энди 33 ёшли Гаэль ABN AMRO World Tennis Tournament бош соврини учун кортга чиқади.