Ғалаба, дуранг ва мағлубият. Нодирбек Абдусатторов Ҳиндистондаги "Tata Steel India" турнирида иштирок этмоқда

Ушбу мусобақада ҳамюртимиз Нодирбек Абдусатторов ҳам ўз омадини синаб кўряпти. 

Ҳозирча мусобақа доирасида учта тур ортда қолди. Унга кўра, Нодирбек биринчи турда мезбон Гукеш билан дуранг ўйнади. Иккинчи турда эса бошқа бир ҳиндистонлик Аржун Эригаисини мағлуб этди. Учинчи турда эса Озарбайжон вакили Теймур Ражабовга имкониятни бой бериб қўйди. 

Шу тариқа, Нодирбек 3та турдан сўнг 1,5 очко жамғарган ҳолда, 10 нафар шахматчи орасида 7-ўринни эгаллаб турибди. 

Бугун у 4-тур доирасида ҳиндистонлик Рамешбабу Праггнанандҳга қарши дона суради.