Ғалати эмасми? Хабиб - Тони жанги қаторасига иккинчи бор 1 апрель куни бекор қилинди

Қизиқ томони шундаки, қаторасига иккинчи бор Тони - Хабиб жанги 1 апрель куни бекор қилинмоқда. Бу кун дунёнинг кўпгина давлатларида ҳазил-мутойиба ҳамда ёлғон хабарларга бой бўлади. 

Фергюсон ва Нурмагомедов илк бор 2015 йилда учрашишлари керак эди. Ўшанда Хабиб жароҳат олгани учун жанг бекор бўлганди. Иккинчи жанг 2016 йилда энди Фергюсон жароҳат олгани учун бекор бўлди. 

2017 йилда UFC учинчи маротаба ушбу жангни ташкил қилишга уринди. Аммо, Хабиб вазн билан боғлиқ муаммога дуч келиши натижасида бу галги уриниш ҳам ўхшамади. 

2018 йилда Хабиб ва Тони вакант бўлиб турган чемпионлик камари учун октагона чиқишлари лозим эди. Лекин Фергюсон кутилмаганда оёғидан жароҳат олди ва уларнинг жанглари 1 апрель санасида бекор қилинди. 

Қизиғи, Тонининг ўрнини эгаллаган Макс Холлоуэй ҳам жароҳат орттириб олди ва бунинг натижасида Хабиб Эль Яквинтага қарши жанг ўтказди ва чемпионлик камарини қўлга киритди.