07 янв 07:52
Янгиликлар

Гандбол

Гандбол. Бугун Ўзбекистон U-18 ва U-20 терма жамоалари IHF Trophy финалларида ўйнайди

Бугун Ҳиндистоннинг Лакхнау шаҳрида гандбол бўйича ўсмирлар ва ёшлар ўртасидаги Халқаро гандбол федерацияси кубогининг Осиё қитъаси босқичи якунланади.

Мусобақа доирасида Ўзбекистон U-18 ва U-20 терма жамоалари ҳам ўз ёш тоифаларидаги баҳсларда иштирок этмоқда.

Қувонарлиси, ҳар икки термамиз турнир финалига йўл олди. Ўсмирларимиз ҳам, ёшларимиз ҳам ярим финал доирасида Бангладеш термаларини мағлуб этишди.

Бугун мусобақанинг финал баҳслари ташкил этилади. Унда Ўзбекистон U-18 термаси Ҳиндистон, U-20 жамоамиз эса Қозоғистонга қарши баҳс олиб боради.