Гандбол: Ўзбекистон чемпиони АГМК жамоаси ОЧЛда қатнашмоқда, аммо...

 Ушбу нуфузли мусобақада юртимиз шарафини АГМК жамоаси ҳимоя қилмоқда.


Мусобақада жами 11та клуб иштирок этиш истагини билдиришган ва Жиддага етиб келган. Ташкилотчилар томонидан жамоалар қуръа ёрдамига иккита гуруҳга тақсимланишди.


“A” гуруҳи: “Ал-Араби” (Қатар), “Казерун” (Эрон), “Ал-Салмия” (Қувайт), “Mудҳар” (Баҳрайн), “Ал-Нажма” (Саудия Арабистони).


“B” гуруҳи: “Ал-Веҳда” (Саудия Арабистони), AГМК (Ўзбекистон), “Ал-Қаттен” (Яман), “Мес Кермон” (Эрон), “Ал-Духайл” (Қатар), “Ал-Қувайт” (Қувайт).


Мамлакатимизнинг амалдаги чемпиони АГМК жамоаси мусобақанинг дастлабки кунида Қатарнинг “Ал-Духайл” жамоасига ўйинни бой беришган бўлса, 2-турда Яман давлати чемпиони “Ал-Қаттен” гандболчиларини 38-26 ҳисобида мағлубиятга учратди. Қувонарлиси, мазкур учрашувнинг энг яхши ўйинчиси, деб терма жамоамиз аъзоси Мухтор Тўлибоев топилди.


Бироқ, кейинги турда вакилларимиз Қувайт чемпиони “Ал-Қувайт”га қарши паркетга тушди ва имкониятни бой берди.


Эртага, 17 июнь куни АГМК гандболчилари Саудия Арабистонининг “Ал-Веҳда” жамоаси билан куч синашади. Гуруҳдаги сўнгги ўйинда олмалиқлик гандболчилар Эрон чемпиони “мес Кермон”га қарши паркетга тушади. Мана шу икки ўйинда қозонилажак ғалаба вакилларимиз учун кейинги босқич эшикларини очиши мумкин. Бу йўлда уларга омад тилаймиз.


Шуниндек, мусобақада халқаро тоифадаги ҳакамлар, самарқандлик ака-ука Ҳасан ва Хусан Исмоиловлар ҳам фаолият кўрсатмоқда. Улар Осиё гандбол федерацияси ҳакамлар ҳайъати таркибига киритилган.