07 окт 08:21
Янгиликлар

Гандбол

Гандбол: Қизларимиз нуфузли мусобақага Олмалиқда тайёргарлик кўрмоқда

Жорий йилнинг ноябрь ойида Колумбиянинг Кали шаҳрида 21 ёшгача бўлган аёллар ўртасида гандбол бўйича қитъалараро биринчилик бўлиб ўтади.

Бутун дунё бўйлаб узоқ давом этган пандемия давридан сўнг ташкил этилаётган ушбу нуфузли мусобақада Осиё қитъаси шарафини Ўзбекистон терма жамоаси қизлари ҳимоя қилишади.

Айни пайтда спортчиларимиз халқаро мусобақада муносиб қатнашиш мақсадида Тошкент вилояти Олмалиқ шаҳрида сўнгги тайёргарлик машғулотларини олиб боришмоқда.

Йиғин давомида гандболчи қизларимизнинг спорт формасини тиклаш ва жамоавий ўйинни шакллантиришга алоҳида эътибор қаратилмоқда. Ўқув-машғулотлар йиғини 8 октябрга қадар давом этади.